A finais do mes de abril recibimos unha visita moi especial , a de Pedro Cuesta García.
Pedro foi representante de España nas Olimpiadas de México 68 xunto con Peruena, López Espejo e Villar Varela en K-4 1.000 m ademáis de gañar innumerables competicions .
Por ter sido fai tempo, non tiñamos á nosa disposición tanta información como a que podemos atopar en Internet dos deportistas que están a competir neste momento , pero todas as dúbida foron solucionadas por Pedro Cuesta, que ademáis de ser un gran deportista é un estupendo conversador .
Engaiolou ao alumnado co relato das súas experiencias como deportista olímpico e tamén nos transmitiu o sei coñecemento sobre o deporte e as olimpiadas na historia.
A mañá quedouse corta para o alumnado que non podía deixar de facerlle preguntas e non quería marchar sin a súa sinatura.
O que máis ilusión lles fixo foi poder ter nas súas mans un dos fachos olímpicos de Barcelona 92 (portado no seu día pola filla de Pedro á que agradezo enormemente a súa colaboración , así como a do seu irmán que tamén colaborou conmigo dende o primeiro momento).
Amosounos tamén algunha mascota olímpica , unha replica dunha medalla olímpica e embarcacións que él fixo en miniatura ( adicouse profesionalmente á fabricación de embarcacións diversas como Kayaks, piraguas...)
Foi un pracer podar contar con unha persoa tan fascinante , grazas por vir visitarnos dende Lugo con ese sorriso e con tantas ganas de contarlles aos máis pequenos todo o que , de non ser por tí , non saberían.
Deixamos unhas fotos da visita e da reseña no diario "La Voz de Galicia"
