Hoxe celébrase en todo o mundo o día internacional do libro infantil e xuvenil, e nós queremos colaborar adxuntando unha selección de títulos que de seguro vos gustarán, sobre todo porque o enlace ven dende a páx web do Xabarín que máis alegrías nos da e nunca nos defrauda.Ademais están avalados por GÁLIX Asociación Galega do Libro Infantil e Xuvenil.
Se hoxe abrides o buscador "Google " atoparedes esta imaxe
Hoxe adícanlle o doodle a Ángela Ruiz Robles, mestra ferrolá que patentou a enciclopedia mecánica .
Para saber máis podedes ver este vídeo de rtve e ademáis tedes moi fácil ver o libro do que falamos, xa que está exposto aquí en Galicia, no MUNCYT da Coruña.
Este ano seguimos traballando sobre o deporte e quen mellor que o mestre de Educ. Física para ensinarlles aos nenos e nenas cómo practicalo do modo axeitado?
Hoxe , despois dunha gran preparación e esforzo pola súa parte, o alumnado de 6 , titorizado por Pablo, obsequiounos cunha exhibición ximnástica espectacular.
En breve amosarémosvos algo, pero teredes que esperar a que organicemos os videos e as fotos, que non teñen desperdicio.
Este xoves 17, tocoulle o turno de preparar a sesión de animación á lectura aos nenos e nenas da clase de Sefa , de 2º de Educ. Primaria.
Fixérono xenial, elexiron contarnos como debuxar seguindo unhas pautas sinxelas.
De seguro que vos ven estupendamente , así que non deixedes de ver os videos.
Aprende a debuxar un neno
Agora a prende a debuxar tres avionetas
Por último , aprende a debuxar ....sorpresa! tes que velo!
Gustouvos verdade? Pois seguide os nosos blogues se non queredes perdervos nadiña!
Durante a semana da conmemoración do nacemento de Rosalía de Castro, o alumnado da escola participou nun concurso moi especial suxerido pola Asociación de Escritores en Lingua Galega e no que quixemos colaborar o equipo de Dinamización Lingüística e tamén o de Biblioteca.
O concurso consistiu en ilustrar unha postal cun dibuxo referido a Rosalía de Castro ou ao texto que aparece escrito na postal .
A postal gañadora sería a que se lle enviaría ás familias para celebrar a conmemoración da nosa xenial escritora.
Mentres non se enviou a postal gañadora, mantivemos todas as participantes expostas no recibidor da escola.
Agora que xa se descubriu o misterio e a tedes todos nas vosas casas, só nos queda felicitar a Alexia (6º EP) , por ser a persoa que ilustrou a postal seleccionada. Todas eran estupendas pero esta reunía todos os puntos necesarios para gañar
Por ser hoxe o día internacional da muller, durante a hora de ler, reunímonos todos na Biblioteca e vimos uns videos relacionados co tema para sensibilizar ao alumnado.
O video que máis lles impactou foi o seguinte:
O SOÑO IMPOSIBLE
Dende a escola, agardamos que ista evolución non se quede aquí, esperamos que pouco a pouco todas as barreiras ideolóxicas desaparezan e que así as mulleres acaden na sociedade o mesmo lugar que teñen , dende hai moitísimos anos, os homes , promovendo a igualdade de xénero.
Aquí deixamos unha cantiga de Fuxan os Ventos que ten por título "Muller" como homenaxe
Muller de Fuxan os Ventos
Letra: María Docampo
Música: Xose Luis Rivas Cruz / Popular
Cantan: Fuxan os Ventos e Mercedes Peón
Ah, meu gaiteriño,
aínda me acordo,
cando baixabas polo monte abaixo,
e viñasme ti dicindo:
“Bota carne no pote, Marianiña,
bota carne no pote, Marianá,
un molete enteiro, enservelletado,
unha bota con viño, ¡chupáená!
– Muller, fartura de loita,
que che hei dicir eu, muller?
Se ti es como a terra nosa,
e a terra coma ti é.
Deixeivos a entrambas soias
anque convosco quedei.
Baleira quedou a terra,
ti, sementada, abofé.
E o vento dicia:
“pronto hei de volver!
pra tira-la fame, pra poder comer…!”
– Ai, muller, ¿cántas noitiñas
te deitaches coa tristura?
E o vento frío traguía
as novas dos que marmuran.
E o vento dicia:
“pronto hei de volver!
pra tira-la fame, pra poder comer…!”
Ti es o milagre da terra
e a terra é un milagre teu,
mistura de mel e cerna
de fera e de anxo do ceo.
Pariches de pé o fillo,
como fan no monte as bestas.
E hoxe que volvo vencido,
para que eu venza ti te deitas.
E ó voltar, que che hei dicir?
¡Maldito o día e a hora
en que vos deixei aquí
pra percurar vida fóra!
O inverno da emigración
roubounos a primavera.
Quen eu era, xa non son,
e ti non es a que eras.
Xa poden os leiros dar
colleitas ben abondosas,
xa poden en Madrid falar
con palabras ben fermosas,
que nunca, nunca nos han pagar
a nosa fame de outrora.
Este ano, o proxecto elaborado polo equipo de biblioteca para o PLAMBE (Plan de Mellora das Bibliotecas Escolares ) xira ao redor das Olimpiadas.
Por iso dende o departamento de Dinamización da Lingua Galega pensamos que a mellor forma de colaborar co proxecto do PLAMBE era facendo un traballo de investigación acerca de deportistas galegos e a súa relación coas olimpiadas.
Aquí vos deixamos a mostra do que foron atopando os nenos de 4º,5º e 6º de EP e de cómo colaboraron con nós os deportistas ! (Grazas pola axuda, sabemos que estades apuradísimos)
